نفسى اشتغل IT ومش عارف ابدأ منين ؟؟

بسم الله الرحمن الرحيم

انا هتكلم معاكم بالعمية وبشكل مبسط
سبب انى عملت المقال البسيط ده ان فى ناس كتير نفسها تدخل المجال ومش عارف تبدأ منين حتى انا فضلت سنين ادور ابدأ منين  عشان كده حبيت اكتب مقال بسيط عن الموضوع ونتفرع فيه ونشرح المجالات بالتفصيل انا مش هتكلم بشكل تقنى
قد ماهتكلم فى سوق العمل وازى تقدر توصل للى بتحلم بيه
هنتكلم عن مجال الشبكات وشغل Technical Support   او It Manager


لو انت خريج لا اى كلية اخرى غير حاسبات ومعلومات او هندسه  وعايز تدخل المجال وتغير مجال شغلك هل تقدر ؟؟
اكيد تقدر تغير طريقك بس هتحتاج شويه دراسة صغيرين وهنشرح الطرق ومنين يروح على فين

عشان تدخل مجال الشبكات والانظمة  فى طرق كتير ممكن تتخصص فيها حتى مجال الشبكات مش عبارة عن كورس واحد عشان تبق ملم بكل شىء فى الشبكات ولكن احنا هنتكلم فى المهم

الاول تكون متخصصة  ومدير لانظمة الشبكات  -- التعامل بيكون على مستوى السوفت وير Microsoft  . Redhat
الثانى انك تكون متخصص فى التعامل وادارة هارد وير الشبكات  -- التعامل بيكون على مستوى الهارد وير وتهيئة السوفت وير الخاص بيها  Cisco , Juniper,

دول الشركات اللى مسيطرة على  سوق الشبكات فى  العالم كله
ملاحظة :
اكثر الشركات عمل فى الدول العربية  Microsoft , Cisco , وبدات معظم الشركات والمؤسسات تهتم ب Linux

نفترض انك معندكش اى خبرات  طبعا اى شىء بنشتغل فيه يلزمه دراسة وتدريب عشان تتكون الخبرة والمعرفه وبالتالى تحصل على العمل اللى تتمناه

طريقك الاول عشان تحصل على شهادة من احدى الشركات المتخصصة فى مجال الشبكات 

انك تدرس كورسات  والكورسات عشان تبدا صح  فى عالم الشبكات والدعم الفنى او قسم IT لازم يبق عندك خلفية عن مكونات الاجهزة اللى هتتعامل معاها فى الشبكات وصيانتها وحلول مشاكلها ايه اللى ممكن تبدأ بيه ؟؟

شركة Comptia
بتقدم مجموعة مناهج تدريبية من ضنها A+
وده منهج  صيانة الحاسب  ودى بداية كويسه جدا مش شرط تمتحن شهادات كومباتيا بس دى مناهج كويسه لكل المبتداين فى المجالات المختلفة فى الاى تى  دى الخطوة الاولى انك تتعلم وتعرف ايه مكونات الاجهزة وازى تعالج المشاكل اللى ممكن تقابلك منها

ثانيا :
تانى شىء بردو خاص بالمبتداين  انك تدرس مبادىء الشبكات  ودى هتبق N+ من كومباتيا بردو  منهج كويس جدا ويخليك على الطريق الصحيح للشبكات وده لان منهج N+ بيتكلم عن الشبكات بشكل عام مش تخصص معين او منتجات لشركة معينة

ثالثا :
التخصص بعد ما درسنا المناهج اللى فوق حضرتك هيبق المفروض فهمت انت عايز تكمل فى اى اتجاه

هنتكلم الاول عن ميكروسوفت  :

لو حبيت تكمل فى ميكروسوفت والاماكن اللى ممكن تشتغل فيها  مطلوب منك تدرس MCSE Server Infrastructure 
من اللينك التالى تقدر تشوف الامتحانات وكل شهادات ميكروسوفت 
http://www.microsoft.com/learning/en-us/mcse-server-infrastructure-certification.aspx
مش هنتكلم عن تفصيل الشهادات فى المقال الحالى ولكن هنتكلم عن الشهادات اللى تأهلك للعمل


الشهادة دى بعد دراستها والحصول عليها بتأهلك انك تشتغل مدير انظمة فى شركات وبنوك  كامدير للشبكات الداخلية للشركات وحلول مشاكل الاجهزة داخل المبنى


تانى طريق هو طريق Cisco ولو هتختار سيسكو  يبق هتبدا ب CCNA Routing and Switching
وتقدر تطلع على اللينك التالى

http://www.cisco.com/web/learning/certifications/index.html

والشهادة دى بتأهلك اكثر للعمل فى شركات الانترنت او ISP ودى بديتك فى عالم cisco وممكن تطور نفسك وتتخصص فى سيسكو مع شهادات اعلى منها  حسب طموحك


فى طريق ثالث وهو طريق LINUX
ولينكس نفس فكرة ميكروسوفت ومش هندخل فى تفصيل عن لينكس فى المقال الحالى
اشهر الشهادات فى هذا المجال ومطلوبة بشكل كبير هى شهادات شركة REDHAT
الشهادة اسمها Red Hat Certified Engineer (RHCE)



ولينكس بتأهلك للعمل فى اماكن كتير منها شركات المحمول والانترنت الخ …

الخلاصة :
ده بأختصار الا تجاهات اللى ممكن تشتغل فيها فى مجال الشبكات  وفى كل اتجاه شهادات اعلى من اللى قبلها ياعنى الشهادات اللى ذكرناها فى المقال مش كل الشهادات اللى ممكن تحصل عليها كل ما بتعلى كل ما مكانك بتكبر ومرتبك بيعلى
هنتكلم فى مقالات تانيه عن كل مجال بتفصيل اكثر وقصته ايه ومتطلبات السوق ايه بشكل اكبر
وهجمع ليكم اقوى واكبر مواقع فى المجالات المختلفة وافضل المراجع لمجال الشبكات فى موضوع منفصل وافضل الكورسات العربية والاجنبية  تساعدكم بشكل كبير فى المجال  ان شاء الله

والى مقال اخر . دومتم بود

Share on Facebook Share on Twitter Share on Google Plus

About iconic

This is a short description in the author block about the author. You edit it by entering text in the "Biographical Info" field in the user admin panel.