علاج الشعر التالف والعناية والمحافظة عليه

كيفية علاج الشعرالتالف بسبب الفرد الكيميائى

انهرده هتكلم عن تجربة شخصية  وهى حل مشكلة تلف الشعر بعد الفرد وضعف وتساقط الشعر

مشاكل وحلول فرد الشعر

• مقدمة

كتير مننا بيحاول ويجتهد ان شعره يبق ناعم وقوى عشان كده بنحاول نقوم بموضوع فرد الشعر وبنصرف فلوس كتير والكلام ده بينطبق على  البنات او الشباب وكتير مننا حصلت معاه مشكلة بعد الفرد بسبب مشاكل الشمس او الفرد وهى حرق الشعر او تلف الشعر  فى التدوينة دى هكتب عن تجربة شخصية ونصائح حتى تحافظ على شعرك  والعناية القصوى بالشعر ويرجع ينمو ويبق اقوى من الاول .

• تجربة شخصية

انا قبلتنى نفس المشكلة لما قمت بالفرد واستخدمت المنتج بشكل خطا حصلت  مشكلة ان الشعر اتحرق او تالف معنى اخر  انه اتحرق هو ان بيكون الشعر مجعد وخشن وصعب تتعامل معاه وطراف الشعر متقصفة والشعر يتساقط زاى الصورة التالية :

الشعر التالف

• للعناية بالشعر ابعد عن الجل نهائى 

مشاكل الجيل

• الجل من المنتجات الى قمت باستخدامها  وانا شعرى من النوع العادى وده وصلنى لمشاكل كثيره جدا لان احنا بنستخدمه كامثبت للشعر لان شعرنا مش ناعم ولكن هو مثبت من نوع سىء بيسد مسام فروة الراس وبالتالى  لايحسن المظهر لابكل اسف بيساعد على تدميره (ابعد عن الجل واستبدله بالكريمات المفيدة للشعر )

• منتجات فرد الشعر ابعد عن الفرد نهائى فرد الشعر بيتصرف عليه فلوس كتير جدا ده الفرد النضيف جدا زاى الكرياتين . متحولش تقنعنى ان الفرد الى  بنشتريه  ب 30 او 100 جنيه هو الى هيخلى شعرك حرير ده كلام موش مظبوط وانا اتبهدلت بسبب الفرد لانى مكنتش اعرف وده السبب الاساسى  فى طرق تانية  بتسهل ان شعرك يظبط ولكن على المدى الطويل وهنقلها فى الحلول  .

• حل مشكلة الشعر المحروق والمتساقط بسبب استخدام الجل والفرد وخلافه :

طبعا مش معنى ان شعرك باظ او حصلت ليه مشكلة يبق كده خلاص مفيش امل لا 

انا دورت وسالت ناس كتير وعملت بحث اكتر من مرة على المشكلة اللى عندى ولكن بكل اسف ملقتش حل ولما ربنا هدانى للحل ولقيت نتيجة قررت اكتبها يمكن توصل لحد بيدور زاى ماكنت بدور 

لازم  نفهم   ان الشعر زاى اى عضو فى جسم الانسان بيتغذى وينمو ولو متوفرش ليه الغذاء ده مع طبيعة الجو والمياة فى مصر طبيعى الشعر بيتساقط ويهلك  مش هدخل فى موضوع طويل ممكن نتكلم فيه اكثر من مقال انا هكتب الحلول والطريقة علطول 

• الحل الاول : زيت الحية (افضل زيت للشعر التالف)

تقدر تشترى من هنا

المنتج الى فى الصورة ده انا بستخدمه هتلقيه فى معظم الصيدليات وممكن تلقى افضل منه ده سعره بيتراوح بين 50 الى 55 جنيه 

استخدم زيت الحية يوم بعد يوم بالطريقة المعتادة ويفضل انك تستخدمه وقت معين بدل الكريمات 

مميزاته بيساعد على تقوية الشعر وتطويل الشعر وعدم تساقط الشعر وده حقيقى فعلا مجرب

كيفية الاستخدام :

بتاخد كمية معقولة بسيطة حسب طول شعرك لانه لزج وتقيل وتدلك بيه فروة الراس والاماكن الى فيها الشعر حصلت ليه مشكلة 

طبعا استخدمه باستمرار وبانتظام مش مرة واحده على الاقل حتى انتهاء العبوه

الحل التانى : حمام الكريم واستخدام الكريمات المعالجة (افضل كريم للشعر التالف)

كريم معالج للشعر جميل جدا تقدر تشترى من هنا 

مش لازم نوع معين اى نوع حمام كريم هيقوم بالغرض وكل ماكن كريم نضيف اكيد هيبق افضل تقريبا السعر مش  هيكون غالى جدا انا بستخدم حمام كريم سعره متوسط موش غالى من 20 الى 50 جنيه .

حمام الكريم بيساعد على فرد الشعره والحفاظ عليها بدون حرق غير انه بيشبع الشعر بالعناصر المطلوبة عشان الشعر يقدر يستعيد لمعانه وقوته 

استخدام حمام الكريم يوم بعد يوم الايام عكس زيت الحية

 بتاخد كمية   بطرف المشط زاى الصورة وبتبدا تمشط بيها شعرك فى جميع الاتجاهات 

حمام كريم

بعد التمشيط والتاكد ان الشعر اخد كفايته هتسيب الكريم من 10 الى 15 دقيقه ثم الغسل بماء فاتر وتاكد من تنظيف الشعر جيدا 

واستخدم اى كريم عادى للشعر 

الخلاصة :

• جرب الطريقة على الاقل لحد ماتخلص العبوة وشوف الفرق فى شعرك هيبق عامل ازاى وانا جربتها بالفعل وعمل فرق كبير 
• ابعد قدر الامكان عن استخدام الجل والفرد وشعرك هيرجع افضل من الاول مرة تانيه
• يفضل غسيل الشعر بماء فاتر عن الماء البارد

ملاحظة : يمكن استخدام طريقة واحده للشعر العادى الغير متضرر هيكون مفيد بشكل كبير

منتجات رائعة يوصى بها :

شاركنا فى كومنت او ابعت لينا تجربتك ومشاكلك مع فرد الشعر والمنتجات السيئة شاركنا الحلول 

Share on Facebook Share on Twitter Share on Google Plus

About iconic

This is a short description in the author block about the author. You edit it by entering text in the "Biographical Info" field in the user admin panel.