9 نصائح لاستايل أفضل فى المقابلة الشخصية

المقابلة الشخصية والاستايل 

• عندك مقابلة فى وظيفة كنت بتدورعليها بقالك كتير ؟

• قدمت فى اكتر من مكان وتم تحديد موعيد  مقابلة شخصية ؟

• طيب ناوى تلبس ايه فى المقابلة الشخصية ؟

• هتتصرف ازاى ؟

مقدمه: كل الأسئلة دى هحاول اساعدك فى الرد عليها فى المقال الحالى مع الصورالتوضيحية ولينكات خارجية عشان توصل لأفضل اداء فى المقابلة الشخصية  وتعلى فرصتك انك تكسب الوظيفة  اللى بتحلم بيها . بس بطريقة الفاشون مش بالطريقة المعتادة فى الكلام عن المقابلة الشخصية . (اتفقت معايه او اختلفت مهم جدا انك تلبس كويس فى المقابلة الشخصية ) وان الانطباع الاول يدوم  وان بنسبة كبيرة جدا اول 30 ثانية فى المقابلة الشخصية بيكون مهم جدا  فى  نتائج المقابلة الشخصية (عشان كده بنقول المظهر شىء مهم جدا ) ودى نصائح بقدمهالك تم ترجمة مقالات كتير وطلعنا بالخلاصة منها اللى يتماشى معانا هنا ونتيجة خبرة مش بسيطة فى مجال التدريب والمقابلات الشخصية .

هتلبس ايه ؟

1-      اعمل بحث عن الشركة وحاول تعرف ايه قوانين وثقافة الشركة .
مثال:-

لو تعرف حد من اصحابك شغال بالفعل فى الشركة حاول تعرف لما دخل المقابلة الشخصية كان لبس ايه (المظهر العام فى الشركة )

لو مكانش ليك صديق ممكن تتصل  بالشركة وتتواصل مع قسم ال HR  اسال عن متطلبات الشكل العام فى المقابلة الشخصية لازم بدلة ولا مفيش مشكلة من انى البس سيمى فورمال او حتى انى البس قميص وبنطلون ؟

مش عيب انك تسال وتدور عشان تقدر توصل للمطلوب لانك فى النهاية بتخطط لانك تكسب الوظيفة

95 % من المقابلات الشخصية بتكون فورمال فاحنا هنحاول نتكلم عن الفورمال وازاى ممكن تبقى مختلف ومحترف حتى فى الفورمال .

2-    اﻻستايل والمﻻبس   :

لو ممكن يكون عندك من  بدلتين الى 3 ليه ؟ لان حضرتك وارد جدا تروح المقابلة الشخصية فى نفس الشركة اكتر من مرة وممكن كمان تعمل مقابلة شخصية فى اكتر من مكان تانى وشركات تانية . فلازم تبقى عامل حسابك تبقى مختلف فى كل مرة

من اقوالNicole Williams  

لما تكون في مجموعه مش بالضروره ان المجموعة كلها تحس بوجودك ، لكن اكيد المجموعة كلها هتحس بغيابك .

وده يستحق انك تاخد الخطوه اللي تخلي المجموعة كلها تحس بوجودك و بغيابك . خليك ظاهر وفعال فى المكان اللى انت فيه .

اقترحات الوان البدل : الالوان الاكثر موضة والاستايل جدا الان ( Blue Black- Gray- Brown ) اختار اى درجات منهم بس اعمل حسابك ان الدرجات تتماشى مع بعض بعد كده  (فى وجهة نظرى المنديل فى البدلة بيخلى شكلك محترف جدا جدا جدا لان معظم الناس مبيهتموش بمنديل البدلة وده امر خطأ وهانزل اكتر من طريق لمنديل البدلة )
ممكن كمان تعمل تركيب الوان بينهم عادى جدا هنتكلم عليها فى بوستات تانيه 

افكار للمقابلة الشخصية

3-       الحذاء :

خلينا متفقين ان بداية المظهر والاستايل يبدأ من الحذاء وده حقيقى   مينفعش تبقى راجل زاى الفل فى الملابس والحذاء مهمل فيه او مش مرتاح فيه  .( طبعا لو جيت قلتلك اشترى حذاء لكل بدلة يبقى اكيد انا بشتغلك ) خصوصا للحالة الاقتصادية لبلد زى مصر وان مش كل الناس اصلا تقدر توفر بدلتين او ثلاثة لا انا هقلك اساسى يكون عندك لونين فى الاحذية وقيس عليهم اى لبس عندك . انظر الصور التالية واختار الاستايل المناسب ليك 

ممكن تختار حاجه نفس الاستايل ده الاستايل الرسمى للبدل خد الفكرة ودور بدماغك (يفضل للمقابلة الشخصية )

تستخدم مع البدل الرسمية 

دى احذية Casual فاشون شويه ممكن تستخمه على البدل ولكن فى المناسبات افضل من المقابلة الشخصية .

تستخدم مع البدل والسيمى فورمال والكاجول 

Tips 

       الاسود والبنى اى درجة من درجات البنى ولو مكنتش تقدر تجيب اتنين يبقى عندك شوز محترم جدا للظروف اللى زى دى

تأكد انك مرتاح فى الحذاء وان الحذاء مفهوش اى قطع او مشكلة ويكون نظيف ولامع يعنى من الاخر على سنجة عشرة انت بتتكلم فى مقابلة شخصية تقييم المظهر ليه عامل  .

4-   متستخدمش Perfume فى المقابلة الشخصية :

ليه ؟ الاهم ان ميطلعش منك اى ريحة  . وهقلك ليه 

لو لقدر الله طلع حد فى المكان او المقابلة الشخصية عنده حساسيه من البرفيوم والروائح يبقى انت ايه وضعك فى المقابلة الشخصية ياهتخرج انت ياهيخرج هو او ممكن يتحددك ميعاد تانى  ؟؟ اعتنى بنفسك واكتفى بمزيل العرق والروائح .

5-   الاكسسورات :

الاكسسورات شىء مهم جدا . سواء كنت ولد او بنت  ولكن فى احكام وقواعد بخصوص الاكسسورات فى المقابلة الشخصية .

نصائح عامة من الخبراء فى المجال Personal Branding  

تأكد انك ملمع الشوز ولابس حزام يتماشى مع الشوز وبلاش الاكسسورات الكتير زى السلاسل والاكسسورات الجلدية والمعدنية الامعة لانها بتسبب تشتيت وممكن تشد انتباه اللى بيقوم بالانترفيو معاك  يعنى الساعة مفيش مشكلة ومتكونش ضخمة وتتماشى مع المنظر العام وخاتم واحد لو عايز هيبقى شىء كويس . السبب فى كده انك تظهر بمظهر بروفيشنال واستايل رائع احترافى .

بالنسبة للبنات :

يفضل ارتداء ملابس الوانها طبيعية اظافر نظيفة وقليل من الميك اب . فى الاخر احنا بنهدف اننا نظهر بمظهر احترافى يليق بالمكان اللى ناوى تشتغل فيه.

Tips 
بلاش الاكسسورات التالية

يفضل الساعات المعدنية  (يمكن استخدامها على جميع اللوان البدل والملابس -عكس الجلد بتربطك بالوان حسب لون الساعة )

6-  Body Language 

الكلام هنا هيطول كتير وممكن تكتب فيه كورسات ولكن انا هقلك شويه نصائح خاصة بالمقابلة الشخصية مرفقة بلينكات لكورسات ممكن تتعلم منها لو حبيت تتعمق فى الموضوع وانصحك بالتعمق فيه.

تجربة شخصية : احد اقاربى دارس علم لغة الجسد من كام سنوات كان دائما لما يشوف صور انا متصورها  يقولى ليه "كاشش" فى الصور فى وقفتك انا مكنتش فاهم يقصد ايه لما بدات اقرا فى لغة الجسد فهمت هو كان يقصد ايه ان دى كانت عدم ثقة .

مفيش حد بيتولد ممتاز ولكن العيب انك متتعلمش وتطور من نفسك 

نصائح فى لغة الجسد فى المقابلة الشخصية :

وضع وشكل جسمك فى الوقوف والجلوس  مستقيم  ومظبوط . والهاند شيك او السلام لازم  يكون بايد قوية مش مرتعشة  شىء مهم جدا جدا لعكس الثقة فى النفس على الاخرين  (مش بقلك كسر ايد الراجل ^_^ )

اللينك ده عبارة عن انفوجراف عن اللى المفروض تعمله واللى متعملوش فى المقابلة الشخصية بلغة الجسد : http://goo.gl/xQ5sEU

كلمات من خبراء تكوين الشخصية ان لغة الجسد امر مهم جدا عشان تظهر فلازم تاخد بالك من لغة الجسد

المفروض كمان من ضمن الحاجات المهمة فى لغة الجسد هى ال Grooming  او التهيئة بمعنى شعرك لازم يبقى نظيف ومهذب الاظافر لازم تبقى مقصوصة ونظيفة حاجات اساسية وكلنا عرفنها ولكن لا نهتم بها.

لينكات لتعلم لغة الجسد :

http://goo.gl/IbjY5s

http://goo.gl/v1Phqp

7-  اعمل تيست . (لحد هنا اتعلمت وعرفت نصائح عن الملابس ولغة الجسد نبدا بقا نجرب كل اللى اتعلمناه )

يعنى جرب اعمل مقابلة شخصية مع نفسك فى المراية  اللبس بدلتك وشدتك كاملة ^_^ شوف شكلك مشيتك وجرب اتحرك فى البدلة والشوز فى ناس مش متعودة تلبس بدلة فحاول تهيىء نفسك وتكون مرتاح فى لبس البدلة " الجلوس والحركة فى البيت راجع اسئلة الانترفيو المهمة "وحاول تجاوب عليها وانت قاعد مع نفسك فى صوت عادى ياعنى كانك بتعمل انترفيو بالظبط حاول تكون متعود على الوضع عشان متحسش ان الموضوع جديد عليك ..

8-  استمر فى انك تهتم بنفسك .(Dress to impress) :

الفكرة فى المدونة انك تتعلم وتفهم ان الاهتمام بالنفس كثقافة ومظهر بداية طريق النجاح لاى انسان

اتعلم انك لازم تستمر فى الاهتمام بنفسك ومظهرك حتى بعد ماتحصل على الوظيفة اللى بتتمناها ان شاء الله ( استثمر فى نفسك )

فى مقولة بتقول البس للمكان اللى نفسك تبقى فيه مش للمكان اللى انت فيه يعنى لو نفسك تكون مدير فى وظيفتك وانت لسه موظف مش عيب انك تشتغل على نفسك للوصول للهدف المطلوب بمعنى انك تلبس بما يليق بالمكان اللى المفروض تكون فيه او عايز توصله .

واوعى تبص لزميلك اللى فى نفس دراجتك الوظيفية لبسين ايه وتعمل زيهم . خليك باصص على  هدفك وحلمك اللى ناوى توصله وهيىء نفسك بكل الطرق انك توصله سواء كاستايل او ثقافة  ده هيحفزك وهيعمل عملية تهيئة فى انك توصل للمكان ده.

الخلاصة :

ابدا اقرا واتعلم واعمل لنفسك استايل معين وفق قواعد وقوانين النجاح العامة وحط نفسك فى الفعل وابدا فى العمل على الهدف اللى نفسك  توصل ليه  متستناش حد يوصلك ..

لو عجبتك المقال اكتب تعليق وقلى تجربتك فى المقابلات الشخصية قبل كده ..

Share on Facebook Share on Twitter Share on Google Plus

About iconic

This is a short description in the author block about the author. You edit it by entering text in the "Biographical Info" field in the user admin panel.